【Pilates 知多少】
呢個運動係由德國人Joseph Pilates發明，所以用佢個姓氏來命名。佢對運動科學好有心得，後來協助因戰爭受傷嘅軍人治療，最後發展左一套強化核心肌肉嘅運動。
所以Pilates唔止係一種運動咁簡單，其實仲有物理治療嘅效果，甚至醫院都用呢個系統黎幫助受傷病人復原。
除此之外，仲有唔少其他功能：
改善腰背痛、姿勢不良、脊椎側彎等問題
強化腰背肌肉、保護脊骨
減低日常生活中受傷或失平衡的跌撞
練出馬甲線！
只要持續學習4堂，就有明顯改善腰背痛等等問題，想知多啲，記得要follow我地instagram喇～
【女性必睇】原來肌肉訓練幫助到改善痛症，仲可以減肥修線條？
近年多咗女性留意到 — 攝取蛋白質的重要性！但你又知唔知，淨係有蛋白質係唔夠？肌肉訓練都係好重要的一環。
原來康文署「社區體質測試計劃」的調查結果，係香港有近50%的中年婦女(40至59歲)屬於過重或肥胖；而工作或做家務的姿勢不正確，容易導致筋肌疲勞、腰酸背痛、頸梗膊痛等情況，久而久之，更會引致肌肉和筋骨勞損，影響日常生活。
想避免或者解決呢一d問題？咁就要由肌肉訓練開始啦！隨住年齡增長，唔多加訓練的話，肌肉會慢慢流失。肌肉一旦唔夠保護關節，姿勢就會愈來愈唔好，咁就容易受傷和勞損。而訓練翻，就可以好好咁改善呢個問題，仲可以修翻靚好肌肉線條！
肌肉訓練的重要性
-增強肌肉力量，保護關節
-糾正日常姿勢，減少痛患風險
-正確拉筋動作，舒緩肌肉關節不適
-重點肌肉訓練，緊緻肌肉線條
如果對肌肉訓練有唔明，歡迎聯絡YOO導師了解； 但如果問題嚴重的話，都係搵翻醫生穩陣d啦！
【 Pilates VS Yoga 】
好多人聽到Pilates都會問：咦，係咪即係瑜伽？
Hmm，其實你可以咁理解：Yoga主要目標係強調身心靈放鬆，而Pilates 除左令你訓練時投入、專注外，仲係一樣改善脊椎問題嘅功能性運動。
Yoga有好多拉筋嘅動作，强調放鬆，最高嘅境界係去到一種靈修嘅效果。
但係重點黎喇，點解國外國內嘅人都開始愈黎愈多研究Pilates，連外國唔同model都會練pilates黎保持自己身形，因為Pilates真係可以糾正一啲係你身上面長期出現嘅問題。
創辦人Tina設計嘅動作，可以幫你拉長返個人，再配合埋Barre嘅元素，會拉返開個身體，將兩邊balance返，同時爆汗，所以點解，我地可以好多信心咁講，四堂一定會見到效果，因為你有小小錯，Tina都會見到，你啲動作無可能會做得唔啱或者唔夠，效果自然會比較明顯。
加上Pilates & Barre嘅課堂，會訓練埋身體各個部位嘅肌肉，你坐得唔岩，行得唔岩，企得唔岩，就係因為你唔識用你啲肌肉，當你上堂開始訓練，開始感受，你會慢慢記得用個舊肌肉，端正返個人同時，肌肉會保護好你嘅各個關節。
Pilates同Yoga都係有唔同咖，睇大家追求咩目標啦～
PS：小編知道Tina 老師未接觸Pilates 之前，都係有訓練Yoga 幫助睡眠架，而且YOO 有好多學員都係Yoga 老師🥰 ，遲啲再慢慢同大家分享～～
【運動迷思】訓練完，要肌肉酸痛先等於有效？
睇緊文章的你，係咪都有疑惑過呢？
到底肌肉酸痛，同訓練成效有冇對等關係呢？
今次等YOO小編解答你啦！
首先，我地要了解點解做完運動，會感到肌肉酸痛。
有試過的朋友都會知，通常做完運動的隔日才會酸痛。
呢種情況叫 *延遲性肌肉酸痛*。
運動，是一個不斷地將肌肉收縮、拉扯、延伸和受壓的過程。而酸痛的情況，較容易發生係新訓練或者高強度阻力訓練等情況。
訓練令你的肌肉活動方式改變了，會容易有酸痛現象； 而隨住訓練的時間，肌肉開始習慣後，酸痛情況可能會減緩。
但要注意，*肌肉酸痛，並唔係衡量訓練成效的指標。*
簡單d講，肌肉酸痛，等於你有進行訓練； 但不等於你的訓練成效。
你應該留意的是：訓練過程的表現、肌肉線條、動作姿勢 和身體有否比以往更強壯等。
當然，如果你對點樣舒緩酸痛情況，或者肌肉訓練上的疑惑，都歡迎向YOO專業導師查詢。
【明明想收肚腩，點解個肚愈練愈突?】
有無發現你無論點跑步、做帶氧、唔食野、每日跟網上片做 ”減肚腩” 運動，做到連腰頸都痛哂，個小腹依然係突出來呢?
“明明手腳已經好幼，點解個肚腩仔仲喺度?”
之前都分享過，成因當然有好多，今日想大家先諗諗 –
你有無足夠鍛鍊到”腹橫肌”?
腹橫肌是主要的核心肌肉，也是腰椎最主要的穩定性肌肉 (亦即是人體的天然腰封)
當腹橫肌弱的時候，就會好易造成腰痠背痛的問題。
好多常見的腹部訓練，都會以加強腹直肌為主，但對於久坐都市人、產後媽媽，當腹橫肌愈來愈弱就會讓腹壁開始向前凸出，令盤骨前傾情況加劇，下腹脂肪積聚。
所以好多媽媽話生完BB 後個下腹點做都收唔到，仲越練越突! 假肚腩都變成真肚腩!
想要肚仔平返，唔再愈練愈突，甚至改善腰痛，係需要表層肌肉及深層核心肌群 都鍛鍊到的!
如果自問已經日日訓練，也沒有讓腹部變小，本身脂肪比例亦唔高，係因為只鍛煉到腰腹的表層肌肉，而深層核心肌肉訓練不足，所以表層同深層肌群都要協調訓練，訓練足夠先可以消滅大肚腩呢!